CULTURA
O “CantaJuego” cancela as dúas funcións do 2 de maio en Vilagarcía e inicia o reembolso das entradas A promotora do espectáculo infantil “CantaJuego” comunicou ao Concello a cancelación das dúas funcións que tiña previsto realizar en Vilagarcía o vindeiro 2 de maio. A decisión adóptase como consecuencia da crise do Coronavirus e xa se puxo en marcha o procedemento de reembolso do importe das entradas adquiridas, que se fará a través das mesmas canles de compra. Por outro lado, lémbrase que o Concello de Vilagarcía suspendeu toda a axenda cultural para os meses de marzo e abril, actividades que se tratarán de reacomodar nos seguintes meses, tras o levantamento das medidas preventivas contra a pandemia.
23.03.2020.- O “CantaJuego” informa de que buscará novas datas para traer o seu novo espectáculo a Vilagarcía, unha vez a situación que estamos a vivir, regrese á normalidade “para reunirnos con todos vosotros de nuevo y celebrar que todo pasó, como a nosotros nos gusta: sonriendo, cantando y bailando con todas las familias que en estas terribles circunstancias estáis haciendo un esfuerzo enorme por el bien común”. Ademais de facer este chamamento á mensaxe de QuédateNaCasa, dende o Cantaxogo insisten na necesidade de “hacerle saber a los más pequeños de la casa lo importantes que son en esta lucha contra el coronavirus”.