VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
Emerxencias colabora co 061 montando no Hospital unha estación descontaminante para o persoal das ambulancias
O Servizo Municipal de Emerxencias do Concello de Vilagarcía de Arousa presta a súa colaboración ao 061 para a montaxe dunha estación de descontaminación do persoal de ambulancias no Hospital do Salnés. O persoal do servizo municipal realizará hoxe os traballos seguindo as indicacións do xefe da Base de Ambulancias Medicalizadas do 061. A infraestrutura facilitará e axilizará que o persoal das ambulancias se desinfecte completamente despois de cada servizo de traslado de enfermos ou supostos casos de coronavirus.

24.03.2020.- A estación de descontaminación segue os protocolos sanitarios previstos polo 061, habilitando unha primeira zona de desinfección á que se dirixirá o persoal ao rematar o traslado. Alí, cos EPS enfundados pasarán a primeira fase de descontaminación mediante o sistema de ducha. A auga recollerase en cubetas que se baleirarán con bombas de recollida. A continuación, o persoal dirixirase o a unha segunda zona, onde se despoxarán dos traxes e material utilizado e desbotarano en contedores de residuos biocontaminantes. Por último pasan xa á zona de lavado e desinfección de mans onde se vestirán con roupas e equipos novos.

Con esta infraestrutura garántese tanto a protección do persoal da ambulancias como do resto dos traballadores do Hospital e mesmo pacientes cos que teñan contacto.

A colaboración do Servizo de Emerxencias co 061 e o Hospital do Salnés é unha mostra máis da unidade de acción e de traballo conxunto que están a realizar as distintas administracións na loita contra o coronavirus.

< volver

+ titulares