VILAGARCIA DE AROUSA

CULTURA
A concelleira de Cultura e o director do CURTAS abordan con PROXECTA o futuro dos festivais de cine
A concelleira de Cultura Sonia Outón, e o director do CURTAS, Festival do Imaxinario de Vilagarcía, Luis Rosales, participaron este mediodía na reunión convocada pola Coordinadora Galega de Festivais de Cinema, PROXECTA para abordar o futuro inminente e a medio prazo dos festivais audiovisuais que se celebran en Galicia como consecuencia da pandemia do COVID19. O encontro ten moito interese para Vilagarcía, dado que a cidade ten previsto celebrar una nova edición do CURTAS entre do 23 de outubro ao 1 de novembro, polo que resultará moi positivo ir coñecendo as recomendacións e ideas que se plantexan a nivel xeral dende a coordinadora para ir adaptando o festival a unhas novas circunstancias que permitan a súa continuidade pese a situación que estamos a vivir a nivel global.

13.05.2020.- Na reunión abordáronse os distintos escenarios posibles que se poden dar a curto, medio e longo prazo e que, en determinarán os protocolos a seguir en cada momento e tamén os medios ou formas de adaptarse a cada situación, cubrindo o espectro existente entre un escenario de absoluta normalidade, como acontecía previamente á pandemia, ata o máis negativo, que obrigaría á cancelación dos eventos.

Neste marco tamén se falou dos protocolos sanitarios a seguir e das vías de colaboración na aplicación das medidas hixiénico-sanitarias, que está previsto testar nos primeiros festivais que se van a desenvolver en Galicia, a maior parte deles no mes de setembro.

Outro punto que se tratou foi a relación entre os concellos e os festivais, a xestión da colaboración, a flexibilización de procesos, trámites, xustificacións de axudas e subvencións, etc…

Na reunión participaron os responsables políticos dos Concellos galegos que organizan festivais de cinema e tamén os directores e responsables técnicos dos mesmos, así como a dirección da coordinadora PROXECTA. Ademais do CURTAS-Festival do Imaxinario de Vilagarcía, estaban presentes os responsables do Fic Bueu, do Play-Doc Festival de Tuy, Festival de Cans do Porriño, NovosCinemas de Pontevedra e do Fic VIA de Verín,