DEPORTE
A Fundación destina 112.000 euros a axudas ao deporte federado e á organización de eventos deportivos A Fundación de Deportes do Concello de Vilagarcía pon en marcha unha nova convocatoria das axudas ao deporte ás que que este ano destina 112.000 euros. A liña de subvencións para fomento do deporte federado conta cunha partida de 82.000 euros, mentres que as axudas destinadas á colaborar no financiamento de eventos deportivos extraordinarios repartirán un total de 30.000 euros entre os solicitantes que cumpran os requisitos. En ámbolos dous casos o prazo de presentación de solicitudes ábrese mañá, 19 de maio, e rematará o 7 de xuño.
18.05.2020.- As axudas repartiranse en base aos criterios e baremos establecidos nas bases das convocatorias, documentos que se poden consultar no taboleiro de anuncios do portal municipal http://www.vilagarcia.gal e no apartado de catálogos de procedementos da Fundación de Deportes da sede.vilagarcia.gal. Nestes mesmos puntos están dispoñibles os formularios de solicitude e os anexos.
Como xa acontecerá o ano pasado, os clubs ou entidades deberán tramitar as solicitudes vía telemática a través da sede electrónica.