MULLER
Entregados os premios da Maratón Fotográfica do 8-M, aprazados pola crise sanitaria Manuel Vidal Torrado, Austin Kent Moore e Andrea Fernández Maneiro recibiron hoxe de man da concelleira de Igualdade, Tania García, o premio corresponde a cada unha das tres categorías da Maratón Fotográfica do 8 de Marzo, Día Internacional da Muller. Ao certame se sumaran 30 persoas. A crise sanitaria impediu non só entregar os recoñecementos senón, e sobre todo, organizar a exposición física dos últimos anos.
21.05.2020. Hoxe puideron entregarse os premios, no exterior do Concello e mantendo as distancias de seguridade. A exposición, pola súa banda, será virtual e estará dispoñible na páxina de Facebook do Concello dende esta fin de semana.
No acto de hoxe, a concelleira agradeceu a labor de todos os participantes e a súa contribución a seguir concienciando sobre a igualdade entre homes e mulleres. Tania lembrou os últimos datos de violencia de xénero para advertir que aínda que se ten avanzando moito, non hai que baixar a garda.
As fotografías premiadas en cada categoría, que remitimos con este correo, e os seus autores son estes:
- CAPITALISMO, MULLERES E NATUREZA Premiada: “Xefa, xubilada do marisqueo, limpando as malas herbas”. MANUEL VIDAL TORRADO
- NOVAS MASCULINIDADES Premiada: “Machotes”. AUSTIN KENT MOORE
- SEN COIDADOS NON HAI VIDA Premiada: “Quen me limpa as penas”. ANDREA FERNANDEZ MANEIRO