VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
Unha senda peonil unirá o centro cultural da Torre coa zona deportiva de Berdón
Despois de ter realizado o ensanche da curva da Golpelleira, o Concello de Vilagarcía levará a cabo unha nova medida de mellora da seguridade viaria no lugar de A Torre. Trátase da construción dunha senda peonil que discorrerá dende a contorna do centro cultural ata o campo de fútbol de Berdón. A actuación conta coa colaboración da Comunidade de Montes de Guillán que cederá os terreos para instalar a pasarela pola que transitarán os peóns debidamente protexidos dos vehículos. A obra sa se sacou a licitación por importe de 73.321 euros e cun prazo de execución de dous meses.

30.06.2020.- A necesidade de habilitar unha pasarela de uso exclusivo para os peóns ven dada pola cantidade de persoas que transitan esta zona para asistir aos adestramentos, partidos e outros eventos deportivos que acolle o campo de fútbol de Berdón. A maioría destas actividades están protagonizadas por nenos e nenas en idade escolar que, debido ao intenso tráfico rodado que se rexistra na zona neses momentos e ás características do camiño, sen beirarrúas e dun ancho limitado, vense bastante expostos e desprotexidos ante os vehículos.
Para evitar estes riscos e aportar seguridade aos peóns construirase esta senda peonil en paralelo a calzada. A pasarela instalarase na franxa de terreos cedida pola comunidade de montes, polo que o ancho actual da vía non se verá reducido.

A senda terá unha lonxitude de 350 metros e construirase con madeira tratada especialmente para resistir en ambientes exteriores, a humidade e ataques de insectos e fungos. A pasarela contará na súa parte exterior cunha varanda de madeira das mesmas características para protexer aos peóns de caídas e para separalos da zona de tráfico rodado.

Para o financiamento desta actuación contarse cunha achega dos fondos europeos LEADER correspondentes ao Plan de Desenvolvemento Rural xestionada a través do GDR.

< volver

+ titulares