AVISOS
A circulación de vehículos ao centro urbano dende Doutor Tourón péchase o sábado e o martes para celebrar o mercado O acordo provisional acadado cos vendedores ambulantes de Alexandre Bóveda para mentres non se decide a reordenación definitiva do mercado obrigará a pechar ao tráfico o acceso de vehículos ao centro urbano dende Doutor Tourón e ata Conde Vallellano este sábado e o vindeiro martes durante toda a mañá, dado que de forma excepcional, eses dous días permitirase aos vendedores continuar ocupando Alexandre Bóveda. A circulación rodada en Alejandro Cerecedo, Arcebispo Lago e Conde Vallellano (estas dúas últimas habilitadas como zonas peonís polas medidas preventivas do COVD) so se permitirá para vehículos de servizos públicos (taxis e autobús), acceso a garaxes e labores de carga e descarga.
03.07.2020.- O acceso a Alejandro Cerecedo cortarse no cruce con Doutor Tourón, á altura dos semáforos. Tamén se pechará a seguin te intersección, a da Praza de España cara Vicente Risco. En ambos puntos colocaranse valas e carteis informando aos condutores da medida. Así, os vehículos que pretendan acceder dende Doutor Tourón ao Cavadelo, por exemplo, deberán desviarse pola Praza da Independendencia e San Roque para continuar por Juan Carlos I cara O Ramal e Rivero de Aguilar. Tamén poden evitar adentrarse no centro, desviándose xa por Pablo Picasso e Valle Inclán ou a través de Rodrigo de Mendoza.
O goberno local é consciente de que a medida repercutirá negativamente no tráfico rodado eses dúas mañás, razón pola cal prega desculpas aos veciños polas molestias que a medida lles poda causar, advertindo que a fluidez do tráfico quedará totalmente garantida unha vez se leve a cabo a reordenación do mercado que se está negociando cos vendedores ambulantes. Como xa se dixo, calquera solución a adoptar pasa por manter aberto ao tráfico de forma permanente e nos dous sentidos da circulación a Rúa Alexandre Bóveda, manter as novas zonas peonís para gañar novos espazos que permitan a distancia preventiva fronte ao COVID e liberar a zona do casco antigo do Castro e as estreitas rúas da súa contorna.