VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

POLICÍA LOCAL
As patrullas en bicicleta da Policía centraranse este ano en controlar o cumprimento das normas COVID
Como ven ocorrendo en verán dende hai dous anos, a Policía Local de Vilagarcía xa está realizando patrullas en bicicleta. Catro axentes foron designados para realizar este servizo que se prestará en horario de mañá e tarde e que este ano terá unha misión especial: controlar e facer cumprir as normas de protección fronte ao Covid. As patrullas realizaranse por parellas e centraranse nas zonas peonís, parques públicos, paseo marítimo e zonas de praias.

23.07.2020.- Independentemente doutras labores de competencia policial, como controlar a normal convivencia entre o uso de bicis ou patíns e os peóns, a principal misión que terán este verán os axentes será garantir que se cumpren as distancia de seguridade, o uso das máscaras e os aforos es espazos públicos. A labor será informativa, pero tamén se denunciarán os casos que sexa preceptivo.

O Concello dispón de cinco bicicletas híbridas (catro para uso e unha de reposto) para prestar servizo e os axentes foron debidamente uniformados segundo a normativa en vigor para as patrullas ciclistas. As bicicletas están dotadas de baterías extraíbles e recargables mediante conexión á rede eléctrica, co que permiten alternar a impulsión por pedaleo coa de motor eléctrico, contan con luces dianteiras e traseiras con alimentación por batería, dispoñen de alforxa e van correctamente rotuladas segundo a normativa policial.

Ademais de dar exemplo e continuar fomentando o uso da bicicleta como medio sostible, ecolóxico e ideal para desprazarse pola cidade, coas patrullas en bicicleta garántese a presenza policial en lugares aos que non pode ou non é doado ou seguro que accedan os coches policiais e que,antes se tiñan que cubrir a pé. Coas bicicletas, os axente poden cubrir estas zonas dun modo máis áxil e facer maior número de roldas.

< volver

+ titulares