VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
O Concello reabre as súas portas con todas as medidas de seguridade e tras constatar que todos os PCRs foron negativos
Despois de tres días de peche por precaución, o Concello de Vilagarcía reabre mañá as súas portas ao público con todas as medidas de seguridade posibles para que calquera trámite poida realizarse sen temor a posibles contaxios e despois de que xa se teñen os resultados das 43 PCRs realizadas ás cinco persoas que deron positivo nas probas serolóxicas e ás persoas que estiveron máis en contacto con elas: todos negativos. O alcalde, Alberto Varela, unha das cinco persoas que deran positivo nos tests serolóxicos, ten un segundo PCR que confirma que non está contaxiado.

22.09.2020.- Alfombras desinfectantes, dispensadores de xeles hidroalcohólicos en cada andar, mamparas en cada punto de atención e circuítos con separación persoal e entradas e saídas diferenciadas, son algunhas das medidas que garanten que o acceso á casa consistorial sexa seguro. De todos os xeitos, e como nos días anteriores, e con carácter permanente, os cidadáns teñen a súa disposición a posibilidade de ser atendidos por vía telefónica ou telemática.

O peche temporal produciuse porque algúns traballadores deron positivo nas probas serolóxicas. Sen embargo, as primeiras 38 PCRs realizadas, incluídos aos membros do goberno municipal, deron negativo. Este luns se realizaron novas PCRs aos traballadores que restaban, incluída unha segunda proba ao alcalde. Os resultados se coñeceron arredor das 19:30 horas e todas probas foron negativas, polo que nada obsta para que mañá todos os servizos volvan a funcionar con normalidade.

< volver

+ titulares