VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
O Sergas anuncia ao alcalde que dende mañá se aplicarán novas restricións para controlar a pandemia
A dirección provincial do Servicio Galego de Saúde comunicou esta mañá ao alcalde, Alberto Varela, que dende as 12 da noite de hoxe o termo municipal estará suxeito a novas restricións para controlar a pandemia do Covid-19. Sen chegar ás porcentaxes doutras poboacións, as autoridades sanitarias queren evitar o incremento de casos en Vilagarcía e polo tanto as medidas de control serán maiores que ata o de agora, o que se traducirá en menores aforos e outras medidas que se publicarán nesta tarde, segundo anunciou o Sergas ao alcalde.

23.09.2020. Alberto Varela fará mañá unha comparecencia para valorar esas medidas e tamén, de ser o caso, a reunión que presumiblemente manterá ao final da mañá co conselleiro de Sanidade e os rexedores de Pontevedra, Marín, Vilaboa e Poio. Unha vez que Vilagarcía entra noutra fase de restricións, o alcalde comezará a ter información puntual e diaria sobre a evolución dos casos na cidade, algo que ata o de agora non sucedía.

De calquera xeito, e sen coñecer aínda as medidas que hoxe anunciará a Xunta para a súa entrada en vigor mañá, o alcalde fai un novo chamamento á responsabilidade individual e colectiva da cidadanía, tanto na súa vida laboral como especialmente na persoal, sen relaxar as medidas de autocontrol e seguridade para evitar contaxiar ou ser contaxiado.

< volver

+ titulares