VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

EDUCACIÓN
Parte da subvención concedida inicialmente ao Clasclás destinarase a equipos informáticos para o Conservatorio
A Deputación Provincial de Pontevedra vén de comunicar ao Concello o seu visto bo ao cambio de finalidade da subvención do Plan Concellos concedida inicialmente para financiar os gastos da edición 2020 do Clasclás. Inmediatamente despois de ter que cancelar o festival de música clásica deste ano como consecuencia da pandemia de coronavirus, o Concello solicitou ao organismo provincial destinar parte deses fondos á adquisición de material informático para o Conservatorio Municipal. A petición foi aprobada a semana pasada polo que o centro de ensino musical disporá dunha axuda de 14.355,62 euros para renovar e ampliar o seu equipamento informático.

27.10.2020.- A subvención concedida ao abeiro da liña 1 do Plan Concellos, destinada á investimentos, permitirá ao Conservatorio contar con equipos modernos e en maior número dos dispoñibles na actualidade para a realización de tarefas docentes con carácter xeral pero, especialmente, atendendo á posibilidade de ter que volver a realizar clases telemáticas en función de cómo avance a pandemia. Adiantándose a esta posibilidade, o Conservatorio destinará estes fondos a comprar ordenadores portátiles, webcams, auriculares, altofalantes e proxectores.

A maiores desta subvención, o Conservatorio Municipal de Música de Vilagarcía dispón doutra subvención a con cargo ao Plan Concellos, neste caso correspondente á liña 2 para financiar gastos correntes. A axuda ascende a 18.000 euros e destínase sufragar gastos de limpeza do centro.

< volver

+ titulares