VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
O goberno recibe a delegados sindicais de Carsa e insta ás partes a retomar á negociación para evitar os despidos
O executivo socialista recibiu este mediodía no Concello a unha representación do plantel de traballadores de Carsa que solicitaran reunirse co alcalde, Alberto Varela, para expoñerlle o conflito laboral que se está producindo na carroceira con sede en Bamio. Despois de escoitar a problemática trasladada polos representantes sindicais de CCOO, o rexedor e a concelleira de Promoción Económica, Alba Briones fan un chamamento a que se retomen as negociacións para tratar de chegar a un acordo positivo para ambas partes e que evite os despidos.

11.11.2020.- A situación de Carsa preocupa moito ao goberno local, que confía en que patronal e masa social fagan un esforzo na procura do entendemento, de xeito que ningún deles salga gravemente prexudicado da complicada situación que vivimos a nivel global. Varela entende que a forte recesión económica estea facendo mella nas empresas, que ven reducida a súa actividade, pero considera que a solución non pode pasar pola destrución de emprego, o que incidiría aínda máis no deterioro e afundimento da economía, neste caso da local, co empobrecemento das familias e a conseguinte retracción do consumo noutros sectores.

O executivo socialista confía en que tanto empresa como traballadores poñan todo o seu empeño en buscar unha solución intermedia que permita á empresa poder seguir operando de forma viable sen perder postos de traballo. O Concello lembra que Carsa é unha das firmas máis potentes e con maior arraigo en Vilagarcía, da que nos sentimos orgullosos e da que necesitamos que aguante o embite e se repoña canto antes e con maior forza. E iso só se pode facer mediante a colaboración e a unión das partes”, sentenciou Varela.

< volver

+ titulares