POLICÍA LOCAL
Os controis perimetrais saldáronse con 10 denuncias entre o sábado e o domingo A Policía Local de Vilagarcía e a Garda Civil desenvolveron esta fin de semana varios dispositivos conxuntos para controlar o cumprimento dos peches perimetrais establecidos para tratar de frear a expansión da COVID. Nos controis de carretera realizados o sábado e domingo os axentes identificaron a un total de 230 persoas e cursaron 10 propostas de sanción por movementos entre municipios sen causa xustificada.
25.01.2021.- Os operativos realizáronse en distintos accesos ao municipio nos que de forma aleatoria se foi dando o alto a determinados vehículos. O sábado cursáronse 2 denuncias e o domingo 8.