VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

MEDIO AMBIENTE
A tala en altura de árbores no Celso Emilio Ferreiro prolongarase durante tres días
Aproveitando a tregua entre borrasca e borrasca, o servizo municipal de Xardíns en colaboración co de Emerxencias, comezou esta mañá a tala en altura das seis árbores do Parque Celso Emilio Ferreiro cuxa retirada foi aconsellada pola Estación Fitopatolóxica do Areeiro. Dada a complexidade da actuación, as labores prolongaranse durante tres xornadas que se desenvolverán de xeito continuado sempre que se manteña o tempo seco que permita realizar o traballo de forma segura.

10.02.2021.- Como xa se anunciara, son 6 as árbores que é preciso retirar debido ao risco de desplome ou caída de ramas, segundo se conclúe no completo estudo realizado polos técnicos do servizo provincial. Trátase de 3 choróns e 3 chopos de gran porte, bastante vellos e fráxiles que presentan varias doenzas como ocos e baixa densidade en tronco e ramas, colonias de fungos, embrandecemento e podremia da madeira, así como defectos na súa estrutura morfolóxica.

Os exemplares máis grandes teñen entre 15 e 20 metros de altura aproximadamente, polo que é preciso facer unha tala en altura, por tramos. Unha vez remate esta parte, previsiblemente a semana que ven retiraranse os tocos e as raíces para preparar o terreo no que se plantarán novas exemplares para manter a masa arbórea do parque. Os choróns substituiranse por freixos e os chopos máis próximos á rúa, por especies ornamentais.

< volver

+ titulares