SERVIZOS SOCIAIS
O Concello renova un ano máis o convenio de integración socio laboral con BATA A brigada de traballadores de BATA continuará colaborando co Concello de Vilagarcía un ano máis no desenvolvemento de labores de limpeza, mantemento e conservación de zonas verdes e espazos naturais de uso público. A Concellería de Servizos Sociais vén de renovar o convenio con BATA Servicios Integrales a la Comunidad S.L. para continuar favorecendo a integración socio laboral das persoas do espectro autista. Como contraprestación a estes traballos, o Concello aporta á entidade a suma de 9.272 euros
13.02.2021.- O convenio terá vixencia durante todo ao ano 2021, ao longo do que a brigada de BATA colaborará co persoal municipal dos servizos de Parques e Xardíns e de Medio Ambiente, prestando o seu apoio un día á semana.
A maiores do beneficio que supón o apoio dos brigadistas de BATA no desempeño destas labores, que alivian a carga de traballo dos servizos do Concello, a experiencia resulta altamente gratificante e moi positiva, tanto para os usuarios da entidade, como para os propios operarios municipais, que valoran moi especialmente a interacción persoal e o crecemento e evolución que van detectando nos participantes ao longo do tempo.