OBRAS E SERVIZOS
O servizo de alumeado revisa o estado dos postes semafóricos máis antigos O Servizo Municipal de Alumeados comezou esta mañá as labores de inspección dos postes semafóricos máis antigos da cidade co obxectivo de comprobar o seu estado e garantir a súa estabilidade. A medida adóptase despois de onte pola noite tronzara pola base o poste semafórico da confluencia da avenida Juan Carlos I coa gasolineira de San Roque. A causa da caída foi a podremia por oxidación que sufría a base do poste que se atopaba soterrada (uns 40 centímetros) e que, polo tanto, non era visible nin nada facía sospeitar da situación. Os traballos para a reposición do semáforo comezaron esta mañá.
18.02.2021.- O semáforo caído se substituirá por outro de columna horizontal (sen brazo) que o Concello xa tiña en stock debido á retirada de elementos das zonas peonalizadas. Hoxe construirase a base de formigón na que asentar o novo equipo e, unha vez seca, procederase a instalación do báculo. Aproveitando esta actuación, procederase tamén a cambiar o semáforo situado fronte ao instituto Castro Alobre, que é da mesma época e foi instalado co mesmo sistema de soterramento da base.
Nos vindeiros días completarase a inspección dos demais elementos semafóricos e, de ser necesario, adoptaranse as medidas que proceda en cada caso.