VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

PATRIMONIO
A Escola Infantil de Vilaxoán obtén unha mención nos Premios de Arquitectura e Rehabilitación de Galicia 2020
O proxecto arquitectónico da Escola Infantil de Vilaxoán, encargado polo Concello ao arquitecto Iago Fernández Puentes, vén de obter unha mención nos Premios de Arquitectura e Rehabilitación de Galicia 2020 convocados pola Consellería de Medio Ambiente, Territorio e Vivenda. Este non é o primeiro recoñecemento que obtén a obra á que xa en 2019 se lle concedeu un accésit nos Premios Juana de Vega de Intervención na Paisaxe. O alcalde felicitou publicamente a Iago Fernández e congratulouse de que o nome de Vilagarcía soe en Galicia a través destes premios e desta obra como exemplo da boa arquitectura e das intervencións urbanísticas de calidade.

19.02.2021.- A mención nos premios de arquitectura de Galicia correspóndese á modalidade de “arquitectura”, mentres que o accésit dos Juana de Vega enmarcábase na categoría de “intervención en espazos exteriores”, recoñecendo entre ambos as características e calidade do conxunto da obra en termos arquitectónicos, de estética, de adaptación á contorna e de funcionalidade cara a actividade para a que foi concibido o proxecto: albergar unha escola infantil.

A Escola Infantil de Vilaxoán foi unha obra promovida polo Concello de Vilagarcía e encargada a Iago Fernández Puentes. O proxecto recibiu numerosos eloxios dende o momento no que se presentou sobre o papel, e máis aínda, cando a obra veuse completamente rematada e encaixada na contorna. Os recoñecementos nestes dous premios veñen a confirmar esas primeiras impresións.

Fernández Puentes é o autor doutro proxecto promovido polo Concello, a construción do albergue de peregrinos de Carril, un deseño que tamén pretende sobresaír pola súa calidade estética,construtiva e funcional.

< volver

+ titulares