VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

EMPREGO
Os socorristas do obradoiro Labora Xove 20 desenvolven as prácticas nas praias no municipio
Os alumnos da especialidade: Socorrismo acuático e goberno de embarcacións de salvamento do Programa de emprego “LABORA XOVE 2020”, Subvencionado polo Fondo Social Europeo a través do Programa Operativo de Emprego Xuvenil, estiveron desenvolvendo as prácticas formativas nas praias Concha-Compostela e Campanario durante os meses de xullo e agosto, completando así o programa formativo deseñado para este plan de mellora da empregabilidade da poboación moza.

30.08.2021.- De forma complementaria á formación teórica que reciben os alumnos no obradoiro, e as prácticas realizadas en inverno na piscina municipal, durante o verán os traballos de campo desenvolvidos nas praias consistiron en tarefas de:

- Coñecemento das praias e a súa contorna avaliando e analizando os perigos que poideran darse nelas.
- Comprobación diaria do estado dos materiais de uso para labores de socorrismo (Botiquín, DESA,…).
- Aprendizaxe e uso de elementos de comunicación interna entre socorristas para a prevención de accidentes, así como simulacros de comunicación externa.
- Coñecemento e realización de prácticas dos distintos protocolos de actuación en praias: rescate,comunicación, primeiros auxilios e Información.
- Vixilancia desde as torres, base central, realizando patrullas polo areal e rondas de vixilancia en lancha neumática e táboa de rescate.
- Execución de técnicas de nado específicas para os posibles rescates, saltos desde embarcación e simulacros de rescate de posibles afogamentos con eficacia e seguridade.
- Informativas cos usuarios das praias.

< volver

+ titulares