RELACIÓNS INSTITUCIONAIS
O alcalde recibe ao novo presidente da Asociación de Hostaleiros e Iniciativas Turísticas de Vilagarcía O alcalde de Vilagarcía, Alberto Varela, recibiu esta mañá no Concello a Félix Acuña, que vén de ser elixido presidente da Asociación de Hostaleiros e Iniciativas Turísticas de Vilagarcía. Tratouse dun encontro de presentación e de intercambio de impresións sobre a situación xeral que está a vivir o sector e os concellos, tanto a relacionada coa normativa sanitaria como co resto das problemáticas existentes e que afectan a ambas partes.
09.09.2021.- Na reunión de hoxe, que se espera teñan continuidade de forma periódica como viña acontecendo ata o de agora coa anterior directiva, tanto o alcalde como o representante dos hostaleiros reafirmaron o compromiso de continuar na liña de colaboración mutua na que se viña traballando co obxectivo compatibilizar a dinamización do sector cos intereses e necesidades do conxunto da cidadanía de Vilagarcía.