VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CULTURA
A Sociedade Filarmónica trae a unha virtuosa do piano para un concerto solidario en favor de “Amigos de Galicia”
A Sociedade Filarmónica de Vilagarcía quere dedicar o seu último concerto do ano a fines benéficos. Así, todo o recadado polas entradas dos non socios (18 euros) no recital da pianista de orixe hindú-norteamericano Pallavi Mahidhara será destinado a Amigos de Galicia. De todos os xeitos, todos os asistentes, socios e non socios, poderán facer un donativo, se así o desexan, nos prolegómenos do concerto. A cita será o vindeiro sábado, día 11, ás 21:00 horas, no auditorio. As entradas poranse á venda a partir das 20.horas no mesmo recinto.

O recital, baixo o título “Un piano romántico” terá un formato distinto ao habitual e moi didáctico. Así, nesta ocasión o programa será “sorpresa”, de xeito que unicamente a artista coñece que pezas vai tocar. Serán desveladas na mesma velada cunha explicación previa de Mahidhara sobre cada composición.

Malia a súa orixe, e ter estudado, traballado e tocado en distintos lugares do mundo, a artista fala perfectamente o castelán, non en vano é actualmente asesora artística e profesora de piano da Escola Superior de Música Reina Sofía en Madrid. Pallavi Mahidhara fixo o seu debut orquestral con tan só dez anos, actuando no Festival Ravinia de Chicago. Conta con diversos premios internacionais e recibiu varias veces o premio “Sobresaliente” das mans da raíña Sofía. Eloxiada polo seu arte único e a súa carismática presenza no escenario, Mahidhara ten actuado como solista ou como parte dunha orquestra ante auditorios de Berlín, Washington ou San Petersburgo, por citar só algúns.

< volver

+ titulares