OBRAS E SERVIZOS
Contratado o estudo topográfico para definir o proxecto de renovación do saneamento da rúa Vilar Ponte dos Duráns A Xunta de Goberno local vén de contratar coa empresa Oftefor a realización dun estudo co obxectivo de definir o futuro proxecto para a renovación do saneamento da rúa Vilar Ponte, nos Duráns. A rede deste servizo básico é moi vella nesta rúa e quedou obsoleta despois do desenvolvemento urbanístico da zona, razón pola cal desborda cando chove e deriva na rede de pluviais, ocasionando problemas tanto na rúa como nunha propiedade privada. A intención do Concello é resolver esta situación, pero para elo é preciso coñecer a topografía do terreo a efectos de marcar o trazado que deben levar as conducións para garantir o seu correcto funcionamento.
07.03.2023.- A renovación da rede se saneamento en Pascual Veiga precisaría ademais unha nova instalación da de pluviais, que actualmente discorre baixo unha nave particular situada en Pascual Veiga, para derivala cara a que discorre por Curros Enríquez. Malia isto, e dadas as dúbidas que presenta a orografía da zona, faise necesario realizar o estudo topográfico para pescudar si existe desnivel suficiente entre os dous puntos para garantir que as augas corran polas tubaxes por gravidade e non queden estancadas.
Unha vez se dispoñan dos datos do estudo topográfico será cando se poida redactar o proxecto para a renovación dos servizos básicos da rúa Vilar de Ponte, obra que se executaríano marco do plan de ampliación e mellora da rede de saneamento municipal que executa a concellería de Obras e Servizos.