_ Buzón do Alcalde Trámites Administrativos Turismo Enlaces
4O CONCELLO
:VILAGARCÍA TURISMO:
_LA CIUDAD
_THE CITY
CULTURA
O ciclo de teatro galego continúa no Auditorio coa representación de grandes dramaturgos británicos

O ciclo de teatro galego continúa no Auditorio coa representación de dúas obras de dous grandes dramaturgos británicos. As compañías galegas Voadora e Contraproducións porán en escena excelentes montaxes do “Soño dunha noite de Verán” de William Shakespeare e de “O tolleito no Inishmaan”, de Martin McDonagh. Dúas comedias de diferente estilo que chegan a través da programación da Rede Galega de Teatros e Auditorios.
02.02.2017.- A primeira representación que poderá presenciar o público vilagarciá será o clásico de Shakespeare producido pola compañía Voadora e dirixida por Marta Pazos. Será o 18 de febreiro. Esta comedia clásica, unhas das máis recoñecidas e representadas do autor britránico, conta a historia de dous mozos, Demetrio e Lisandro, namorados da mesma moza, Hermia. Ela só ten ollos para Lisandro pero o pai dela só acepta a Demetrio. A súa amiga Helena ama a Demetrio pero este amor non é correspondido. Hermia e Lisandro acordan fuxir da cidade ao amparo da escuridade, pero son perseguidos por un enfurecido Demetrio que á súa vez é perseguido por unha extasiada Helena. No bosque, sen o coñecemento dos mortais, Oberón e Titania (rei e raíña das fadas) teñen unha disputa sobre un criado. A trama xira cando o súbdito de Oberón, Puck, corre solto cunha flor que fai que as persoas namoren do primeiro que vexan ao espertar.

O 8 de abril o Auditorio acollerá a montaxe de Contraproduccións dirixida por Cándido pazo do texto de Mc Donagh “O Tolleito de Inishmaan”. O ambiente dunha pequena vila irlandesa e a particular idiosincrasia das súas xentes, facilmente identificables co xeito de ser dos galegos, reprodúcese nesta obra que, en ton de comedia, conta a historia dun tolleito, un ser desfavorecido que ten unha arela que para el semella extremadamente difícil: transcender ese ámbito cerrado que está obrigado a habitar; un eivado que persegue un soño que nel parece empresa imposible: ser amado e valorado como calquera outro.

As dúas producións chegan a través do convenio de colaboración que manteñen dende hai anos o Concello de Vilagarcía e a Agadic, que financian ao 50% a contratación dos espectáculos. Isto permite gozar de montaxes de gran formato e de tan alto nivel a prezos moi asequibles para o espectador. As entradas para ambos espectáculos custan 5 euros. Xa están á venta a través de ticketea.com e do teléfono 902 044 226 (máis custes de xestión) e os días das funcións, a partir das 19:00 horas, na billeteira do Auditorio.
4Participación CIDADÁ
_Escribe o teu ALCALDE
_Regulamento de Particip.
_Queixas e Suxestións
Trámites Administrativos
  Municipais / No Municipais
»
4DÍA A DÍA
    Sept 2017  
L
M
X
J
V
S
D
       
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
P.X.O.M.
voluntariadogalego.org


[Inicio] [Información Turistica] [Trámites Administrativos] [Ordenanzas] [Taboleiro de anuncios] [Buzón de Suxestións]
[Novas Concello] [Axenda Cultural] [Revista Municipal] [Plan Xeral de Urbanismo] [Vilagarcía en cifras]
[Gabinete de Comunicación] [Postales] [Mapa e Rueiro] [Enlaces] [Contacto]

© 2017. Concello de Vilagarcía de Arousa
Praza Ravella, n° 1. 36000 - Vilagarcía de Arousa
- Aviso Legal - Créditos -