CULTURA
Comezan os obradoiros creativos previos á homenaxe á pintora Lita Cabellut Este luns, día 3, ás 9,15 da mañá arrancan os obradoiros creativos que, enmarcados na VI Semana Mundical da Educación Artística, promovida pola Unesco, elaborarán os materiais da homenaxe a Lita Cabellut. A artista, da etnia xitana e considerada a artista viva española máis cotizada no mundo, visitará a cidade o vindeiro 25 de maio. Ese mesmo día, unha parte da fachada do auditorio lucirá unha enorme tela negra da que colgarán numerosas flores pintadas segundo o estilo de Cabellut.
01.04.2017.- Os obradoiros están dirixidos pola artista Cris Villegas, afincada en Vilagarcía dende hai anos e directora da Escola de Arte do Liceo, e conta co patrocinio da Concellería de Cultura, que dirixe Sonia Outón. Os talleres se desenvolverán o luns, martes e mércores no auditorio, entre as 9 e as 13,00 horas, divididos en tres sesión: na primeira, dunha hora aproximadamente, se falará sobre a traxectoria da Lita Cabellut e o acceso é libre para todo aquel interesado. Despois, arredor das 10 da mañá, comezarán os obradoiros propiamente ditos, pero xa restrinxidos para os alumnos de distintos centros educativos e de asociacións culturais e de mulleres que se anotaron previamente.
En total calcúlase que na experiencia participarán unas cen persoas. Entre todas realizarán a instalación a descubrir o 25 de maio, coincidindo coa visita e homenaxe de Lita Cabellut. A participación do Concello na experiencia se xustifica na súa aposta por igualdade e o apoio ao talento local.