VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

OBRAS E SERVIZOS
Comeza o pintado da sinalización horizontal en Rosalía de Castro tras o remate das obras de saneamento
O remate das obras de mellora do saneamento e a posterior reposición do firme na Avenida Rosalía de Castro permitirá que mañá comece o pintado da sinalización horizontal nos tramos da vía afectada polos traballos contratados nos últimos meses polo Concello. A actuación prevé o repintado de pasos de peóns e demais sinalización viaria dende a rotonda da Praza da Liberdade ata ás inmediacións do Hotel Carril.

17.04.2017.- O Concello de Vilagarcía realizou un importante investimento en mellorar a rede de saneamento en Carril co obxectivo de poñer fin ás reiteradas avarías que se producían ao colapsar o sistema. Os traballos consistiron na ampliación da capacidade e potencia do bombeo situado na Praza da Liberdade, na substitución dun tramo de tubo por outro de maior diámetro e na instalación de rede separativa para a recollida de augas pluviais na Rúa Nova e rúa Victoria, de xeito que non saturen o saneamento. Con esta sobras tamén se pretende poñer fin aos verquidos que se producían cando o sistema colapsaba e tiña que aliviar cara o mar.

Rematados eses traballos, procedeuse á reposición do firme na zona afectada polas obras, polo que agora xa se pode efectuar o pintado da sinalización. Aínda que as obras de saneamento foron financiadas polo Concello, a empresa encargada de pintar a vía comezará a traballar mañá baixo a supervisión de persoal de Estradas da Xunta de Galicia, departamento titular da vía.

< volver

+ titulares