VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

XUVENTUDE
A mocidade poderá formarse sobre novidades tecnolóxicas no obradoiro “APPtualízate!”
A Concellería de Xuventude `por en marcha en maio unha nova acción formativa destinada a persoas de entre 18 e 35 anos. Neste caso trátase do obradoiro sobre novidades tecnolóxicas que leva por título “APPtualízate!” e no que o deseño de aplicacións para móbiles será un dos temas principais a abordar dada a súa crecente demanda e como importante nicho de laboral que supón. O curso é gratuíto e os interesados poden inscribirse ata o 28 de abril nas dependencias da Concellería de Xuventude. As prazas son limitadas.

19.04.2017.- O obradoiro contará con 25 horas lectivas e impartirase durante 5 xornadas (os días 3, 4, 5, 11 e 12 de maio) en horario de 9 a 14 horas na aula CEMIT do centro de formación da rúa Matosinhos. As correrán a cargo de monitores da Asociación Socioeducativa e Cultural O Núcleo.

A través da iniciativa “APPtualízate!” o alumnado ampliará os seus coñecementos específicos no manexo de diferentes ferramentas informáticas moi utilizadas actualmente. Non é preciso contar con formación específica previa para poder asistir, xa que o curso está dirixido a persoas con nivel básico de coñecementos informáticos. Ademais, os contidos prácticos primarán sobre os teóricos.

A principal temática a abordar será o Deseño de APPs, aínda que tamén se tocará o tema de programación robótica, realidade virtual e aumentada e modelado e impresión 3D.

A actividade programada pola Concellería de Xuventude entra na súa liña de acción formativas aplicables á mellora da empregabilidade e á busca de saídas profesionais. Para a realización deste curso en concreto, o departamento que dirixe Sonia Outón, solicitou unha subvención a través do Plan Concello 2017 da Deputación Provincial.

< volver

+ titulares