CULTURA
Marcos Pereiro e Xosé A. Touriñán volven xuntos a Vilagarcía con ‘Agora en serio’ Marcos Pereiro e Xosé Antonio Touriñán regresan en xuño a Vilagarcía e farano xuntos para presentar no Auditorio “Agora en serio”, un espectáculo orixinal escrito por Manolo Cortés e dirixido por Evaristo Calvo, no que os dous cómicos galegos fan un repaso aos 15 anos que levan traballando xuntos e facendo rir a milleiros de galegos de todas as idades. Actuarán o 9 de xuño no Auditorio e as entradas están a venta a partir de mañá en ticketea con prezos a partir de 10 euros.
03.05.2017.- Marcos Pereiro e Xoán A. Touriñán coñecéronse no colexio de Tarrío, en Culleredo. Fixeron teatro xuntos desde pequenos, e mesmo compartiron outras afeccións coma o balonmán. Colleron por costume ir a Luar cada venres, montaron un local de espectáculos en Carral, e ata unha produtora, desde a que explotaron non só o seu talento como actores, senón tamén como creadores.
Esta é (moi sintetizada) a historia de Os Dous de Sempre: Marcos Pereiro e Xosé Antonio Touriñán. O 17 de maio cúmprense quince anos da súa primeira actuación xuntos, un aniversario moi especial que celebrarán facendo o que mellor saben facer: comedia.
As entradas pódense adquirir xa anticipadamente a través de http://www.ticketea.com e do teléfono 902 044 226. Os prezos son 10, 12 e 14 euros (máis custes de xestión). Tamén se poderán adquirir do día da función no Auditorio a 12, 14 e 16 euros.