AVISOS
A Escola Infantil de Verán abre o prazo de admisión para os meses de xullo e agosto A Área de Servizos Sociais da Concellería de Benestar volve a poñer en marcha este ano a Escola Infantil de Verán, unha iniciativa coa que se pretende que o maior número de familias poidan ter acceso ao servizo municipal de gardería aproveitando as vacantes do alumnado xa matriculado que non acudirá ao centro en xullo e agosto por coller vacacións. Trátase dunha medida para favorecer a conciliación das familias e tamén para sacar o máximo rendemento aos servizos municipais.
10.05.2017.- O prazo de solicitude xa está aberto e poderán reservar praza nenos e nenas nados nos anos 2014, 2015 e 2016. Tame´n poderán ter acceso os nenos e nenas nados no ano 2017 que teñan 3 meses cumpridos e praza no curso 2017-2018, cando esté xustificado pola situación laboral do pai e da nai.
As familias que desexen matricular aos seus fillos na Escola Infantil Municipal durante os meses de verán deberán formalizar a súa solicitude ata o 19 de maio. Deben recoller os formularios na propia Escola Infantil sita na Lomba, ou imprimilos directamente dende o taboleiro de anuncios da web municipal http://www.vilagarcia.es , e presentaralos debidamente cubertos no Rexistro Xeral do Concello xunto con toda a documentación requirida. A admisión realizarase por rigorosa orde de inscrición.
A documentación que deben achegar xunto coa solicitude de praza é a fotocopia do Libro de Familia, fotocopia dos DNI da nai e do pai ou dos representantes legais e o xustificante do I.R.P.F. do ano 2015 do pai e da nai.