VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

TURISMO
As travesías turísticas no galeón Cortegada regresan este verán a Vilagarcía
O Concello de Vilagarcía e a asociación Rompetimóns volven a colaborar para poñer en marcha unha nova edición das travesías en galeón pola contorna da illa de Cortegada. Como en anos anteriores, as travesías serán de balde e celebraranse durante as fins de semana dos meses de verán. As datas e horarios, así como prazo de inscrición comunicaranse proximamente. Esta actividade de dinamización turística, de divulgación na navegación tradicional lévase a cabo a través da colaboración do Concello de Vilagarcía e a asociación cultural Rompetimóns, de Carril.

25.05.2017.- Concello e Rompetimóns asinarán un convenio mediante o cal, o colectivo realizará 18 travesías no galeón Cortegada durante as fins de semana dos meses de verán. A actividade será de balde para o público, polo que o financiamento da mesma corre a cargo da administración local que abona 4.500 euros a Rompetimóns pola realización das travesías.

O programa das rutas en galeón son unha alternativa turística e de ocio que permite ao participante participar na experiencia de navegar a vela nunha embarcación tradicional galega, gozar da paisaxe da Ría de Arousa e coñecer a riqueza natural e patrimonial da illa de Cortegada, integrada no Parque Nacional Marítimo Terrestre das Illas Atlánticas, arquipélago candidato á ser declarado Patrimonio da Humanidade.
.
As travesías en galeón son xa un atractivo fixo na axenda turística estival de Vilagarcía e contan cunha gran acollida por parte do público. A actividade enmárcase no programa de educación medioambiental e etnográfica organizada polas Concellería de Medio Ambiente e Turismo. As rutas en galeón son froito da colaboración que manteñen dende hai anos o Concello de Vilagarcía e a asociación Rompetimóns e que comezou coa concesión dunha subvención por parte da administración local para que o colectivo puidese recuperar esta embarcación tradicional.

< volver

+ titulares