XUVENTUDE
O Tecnoverán de Xuventude ofrece formación sobre realidade virtual, programación, Apps e robótica A Concellería de Xuventude volve a organizar o Tecnoverán, unha proposta formativa na que os 20 mozos e mozas participantes poderán adquirir coñecementos sobre as novas tecnoloxías.Realidade virtual, programación, Aplicacións móbiles e modelado en 3D son os temas que abordarán de forma práctica no obradoiro que se desenvolverá do 10 a0 14 de xullo en horario de mañá na aula CEMIT do Centro de Formación de Matosinhos. A participación é gratuíta e a preinscrición xa se pode realizar a través do enlace: https://docs.google.com/forms/d/e/1FAIpQLSdHgHiCmBQRY5wjXlK7FAd78rkRJ6nsFs4NFlZat36NFFanKA/viewform
31.05.2017.- A Concellería de Xuventude organiza o Tecnoverán co obxectivo de seguir incidindo na formacións da mocidade, tanto a efectos profesionais e laborais, como simplemente de estar ao día nas innovacións tecnolóxicas que están a disposición de todo o mundo e que son esenciais para numerosas facetas da nosa vida cotiá.
O colectivo O Nucléo será o encargado de impartir o obradoiro, algo que fará como o ano pasado, de xeito lúdico e utilizando as técnicas do videoxogo para facilitar a aprendizaxe. O fío condutor que se vai a seguir este ano será o da película Metrópolis.
O único requisito para poder participar no Tecnoverán e ter entre 14 e 18 anos e estar empadroado en Vilagarcía. Non é preciso contar con coñecementos previos sobre os temas a abordar. . Os i9netresados deben realizar a pre inscrición a través do enlace antes apuntado, para o cal dispoñen de prazo ata o 30 de xuño. Os aspirantes que cumpran os requisitos serán avisados para que formalicen a inscrición definitiva.