VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
Yamaguchi Katsumi regresa a Vilagarcía coa pintura de “Instinto”
O pintor xaponés Yamaguchi Katsumi regresa no mes de xuño a Vilagarcía para expoñer no Auditorio “Instinto”, a súa última colección pictórica. Como xa amosara na súa primeira visita a Vilagarcía no ano 2013, o artista nipón afincado dende hai máis de 40 anos en Marín, propón unha ilimitada explosión de cor en todos os seus cadros. A mostra poderá visitarse do 15 ao 29 de xuño na Sala de Exposicións do Auditorio.

14.06.2017.- Katsumi naceu na cidade nipona de Yokohama e iniciou a súa actividade artística en Kawasaki onde formou parte dun grupo de artistas renovadores e de vangarda denominado “Anvito Organaizas” creado entre os anos 1959 e 1960. Como os outros seis compoñentes deste grupo, Katsumi, percorren varios países co obxectivo de coñecer outras formas de expresión plástica, novas tendencias e correntes creativas. É así como Katsumi chega a Galicia despois de pasar por varios países de Europa e por varias comunidades españolas, como Cataluña. A súa admiración e amor por esta terra fixo que o artista nipón adoptase Galicia como a súa segunda patria.

A obra do nipón resulta difícil de encadrar nun movemento definido, aínda que asevera que goza de grandes caracteres surrealistas e destaca polo seu colorismo, a comedida execución e polo pronunciado efectismo.

< volver

+ titulares