VILAGARCIA DE AROUSA

SANIDADE
Varela rexeita de pleno o desmantelamento do Hospital do Salnés agochado tras o novo mapa sanitario da Xunta
O alcalde de Vilagarcía, Alberto Varela, rexeita de pleno o novo mapa sanitario que a Xunta pretende poñer en marcha mediante o Anteproxecto de Lei que vén de publicar e que en opinión do socialista, suporá o desmantelamento do Hospital do Salnés e a súa conversión nun mero ambulatorio dependente de Pontevedra. O rexedor manterá esta semana unha xuntanza co persoal do centro de Ande para coñecer a súa opinión e establecer a liña de actuación a seguir para tratar de impedir que a Xunta leve a cabo este prexudicial medida para todos os cidadáns, e xa anuncia que o grupo socialista levará mocións ao Pleno do Concello e da Mancomunidade e unha iniciativa ao Parlamento Galego a través do deputado Julio Torrado.

08.08.2017.- Varela Paz considera necesaria unha gran mobilización política e social na comarca para frear os plans do goberno de Feijó , que pretende dar un paso máis nun pernicioso modelo de concentración sanitaria que pon os criterios económicos por riba das saúde das persoas.

Segundo o que se deduce o Anteproxecto que a Xunta acaba de publicar en pleno mes de vacacións e con so quince días de prazo para presentar alegacións, O Salnés volve a perder entidade, pasado de ter a consideración de área sanitaria a ser un distrito totalmente dependente de Pontevedra. De non impedilo, a aprobación deste modelo traducirase en máis recortes de medios e de persoal, perda se servizos, a desaparición de máis especialidades, detrimento das condicións laborais do persoal sanitario e, como consecuencia de todo elo, unha deficitaria atención aos cidadáns que deberán desprazarse a Pontevedra para ser atendidos.

Por todo isto, nas distintas iniciativas que se están a elaborar solicitarase aos responsables da Xunta que recapaciten e reconsideren a medida e que, en caso de ser necesaria unha reordenación, a negocien e consensúen previamente e sen presas co persoal sanitario do centro e se faga de forma transparente.