PATRIMONIO
As varandas da ponte de Vista Alegre renovaranse mantendo a súa característica tipoloxía de malla A ponte de Vista Alegre mellorará a súa imaxe e manterá a súa característica imaxe coa actuación que o Concello de Vilagarcia proxecta levar a cabo nos próximos meses no marco das actuacións a executar nos vindeiros meses no Parque da Xunqueira e a contorna da zona monumental.Para complementar ao proxecto de substitución de varandas na zona do Parque, o Concello tamén renovará as varandas da ponte de Vista Alegre e o tramo que baixa cara á ponte antiga de pedra respectando a súa tipoloxía de rede de malla.
29.08.2017.- A actuación deseñada polo arquitecto da Oficina Técnica de Rehabilitación propón restaurar a estrutura existente de fundición (pés, pasamáns e barra inferior) e substituír a malla actual que se atopa en moi mal estado debido ao paso do tempo, con zonas abombadas e outras rotas e que, tras varios arranxos ao longo dos anos, presenta ata tres tipos diferentes de material. A idea á manter a tipoloxía de celosía pero utilizando aceiro cortén, material máis resistente e que irá acorde co resto das varandas a instalar na Xunqueira.
Esta actuación inclúe as dúas varandas da ponte principal de Vista Alegre, a que da acceso ao conxunto de igrexa, convento e pazo, e ao tramo das escaleiras que baixan ata a vella ponte de pedra (paralela ao lateral da oficina do INEM.
Esta obra incluirase como unha mellora a executar pola empresa que resulte adxudicataria da obra de substitución das varandas do río do Con no tramo do Parque da Xunqueira ata Doutor Tourón e tamén as do estanque, actuación esta última valorada en 100.000 euros e que se financiará cos fondos provinciais do POS 2017. Ao tratarse dunha mellora, aínda que o custe da renovación ascende a 13.389 euros, a súa execución no tería custe para o Concello.
Ao tratarse dunha actuación na contorna da zona monumental de Vista Alegre, a memoria remitiuse xa a Patrimonio para que dea a súa autorización. O proxecto das varandas da Xunqueira xa conta co beneplácito do organismo autonómico polo que, mentres se espera o desta última fase, os servizos de contratación do Concello poranse a redactar xa os pregos para sacar a licitación a obra principal e a secundaria como mellora, tan pronto como de dispoña do permiso.