VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

EDUCACIÓN
Aberto o prazo de solicitude das axudas municipais á escolarización en Educación Infantil
O Concello de Vilagarcía abriu hoxe o prazo de presentación de solicitudes das axudas municipais á Escolarización para alumnos de Educación Infantil matriculados en centros educativos do municipio. Con esta convocatoria, a Concellería de Educación, pretende contribuír a aliviar a carga que supón o inicio do curso escolar concedendo bolsas de 60 euros para a compra do material escolar ás familias con menores ingresos. O prazo de solicitude remata o 30 de setembro.

01.09.2017.- O goberno local incrementou por segundo ano consecutivo os fondos destinados ás axudas municipais para a escolarización en Educación Infantil que pasan dos 9.000 euros do ano pasado aos 13.500. Con este incremento trátase de chegar a todas as familias que o necesitan, xa que o pasado curso o número de solicitudes presentadas superou a consignación prevista e o goberno local tivo que ampliar a posteriori a partida para poder dar as axudas a todas as familias que reunían os requisitos recollidos nas bases.

A medida finánciase entre dúas concellerías, a de Benestar Social polo que corresponde ao primeiro ciclo, e a de Educación polo tramo do segundo. Benestar aporta 7.500 euros e Educación 6.000, que poden ampliarse en caso de ser necesario.

Aínda que a escolarización non é obrigatoria na etapa Infantil, o goberno socialista considera que esta é unha medida imprescindible para un mellor desenvolvemento do neno tanto a nivel educativo como social e persoal, ademais de ser unha medida necesaria en moitos casos para a conciliación laboral. De aí que fomente a escolarización nesta etapa ofrecendo estas axudas que se conceden tendo en conta o nivel de ingresos da unidade familiar.

As bases e requisitos da convocatoria, así como a documentación a presentar está dispoñible nas dependencias da Concellería de Educación e no taboleiro de anuncios desta web.

< volver

+ titulares