OBRAS E SERVIZOS
O Concello destina 101.000 euros ás obras de mellora do centro socio cultural de Rubiáns O plan de mellora e mantemento dos centros socio culturais e veciñais do municipio rematará cunha das actuacións máis importantes previstas para o ano en curso: a das instalación de Rubiáns, gravemente afectadas o asado inverno polo efectos dun temporal. O Concello investirá neste centro 101.000 euros para renovar a cuberta, mellorar a recollida de pluviais, acabar coas filtracións e outras actuacións tendentes a mellorar as instalación. O proxecto xa está feito e o servizo de contratación está redactando os pregos para sacar a licitación a obra.
23.09.2017.- O centro socio cultural e veciñal de Rubiáns precisaba de certas melloras, necesidades que se viron agravadas o pasado inverno cando un temporal de vento levantou gran parte da cuberta. Naquel momento, para evitar males maiores e para permitir que os veciños e colectivos da parroquia puideran continuar utilizando as instalación, o Concello acometeu unha obra de urxencia para reparar provisionalmente o problema, pendentes de poder levar a cabo un ha actuación de maior calado que resolvera de forma definitiva os problemas que presentaba o edificio debido á falta de mantemento dos últimos anos e que ían máis alá da cuberta.
A principal actuación recollida no proxecto é a reparación integral da cuberta e canaletas polas que filtra auga ao interior do edificio, para o cal se substituirán os elementos danados polo temporal. Tamén se instalarán recercados exteriores en toda a carpintería da fachada suroeste polas que se filtraba auga debido a selados incorrectos e comprobarase o estado do resto da carpintería. Ademais, repararanse os revestimentos e acabados exteriores en teito e porche, el mal estado polas filtracións procedentes da cuberta e xa no interior do centro, arranxarase os falsos teitos e as paredes que tamén se viron afectadas polas humidades.
Por último, repararanse as luminarias exteriores e interiores e prevese a instalación de rexas nalgunhas das fiestras exteriores co obxecto de impedir o acceso e furtos que se estaban a rexistrar cada certo tempo no centro cultural.
50.000 euros máis a repartir nas casa de cultura dos Borrizos e Sobradelo
Os 101.000 euros que precisan estas obras fináncianse con fondos propios do Concello, a través dos fondos reservados no orzamento municipal de 2017 para o plan de mellora e conservación dos centros socio culturais do municipio. A maiores das actuacións realizadas ao longo do ano e desta que está a piques de sacarse a licitación, o goberno local aprobará na Xunta de Goberno do luns a adxudicación dos traballos previstos nas casa de cultura de Os Borrizos (Cornazo) e Sobradelo, cun investimento de 50.000 euros.