CONCELLO
Aprazada a reunión entre o alcalde a conselleira de Infraestruturas A Consellería de Infraestruturas comunicou esta mañá ao Concello a suspensión da reunión prevista para mañá entre o alcalde de Vilagacía, Alberto varela, e a titular do departamento autonómico, Ethel Vázquez. O encontro fora solicitado en reiteradas ocasións polo Concello, a última o pasado mes de marzo, para abordar asuntos de especial relevancia para a cidade como os relativos á intermodalidade entre o transporte en autobús e ferrocarril, a inclusión de Vilagarcía no Plan de Transporte Metropolitano e a posibilidade de que a consellería colabore economicamente no transporte colectivo ao Hospital a través do VaiBus Plus! que subvenciona a administración local.
25.09.2017.- O alcalde de Vilagarcía foi recibido pola conselleira de Infraestruturas en febreiro de 2016 para abordar, entre outras cuestións, a situación da estación de autobuses do municipio e a necesidade de desenvolver un proxecto para interconectala física e a través de horarios e liñas de autobús coa estación de Renfe. Dado que naqueles momentos, a Xunta estaba a traballar coas grandes cidades, emprazouse a Vilagarcía para máis adiante.
Dada a importancia dos temas a tratar, o rexedor confía en que a Consellería fixe pronto a nova data para o encontro que se ía a celebrar mañá, sobre todo tendo en conta que Vilagarcía xa leva varios meses esperando, posto que a solicitude cursouse en outono de 2017 e reiterouse en marzo deste ano.