EDUCACIÓN
Os escolares volven a educar co seu exemplo cunha nova edición do programa “Plántate na Rúa” A Concellería de Educación e o Servizo de Xardíns do Concello poñen en marcha esta semana unha nova edición do “Plántate na rúa” o programa educativo creado para concienciar a poboación infantil e, por extensión, a toda a cidadanía, sobre a necesidade de respectar e coidar os bens públicos, neste caso as plantas que decoran as nosas rúas, prazas e parques. Escolares de sete centros educativos colaborarán cos traballadores municipais no plantado de especies ornamentais en espazos públicos co obxectivo de que trasladar á cidadanía a idea de que manter unha boa imaxe da cidade é cousa de todos e na man de todos e de desanimar aos amigos do alleo a levarse o que é de todos e pagamos todos.
27.11.2017.- O programa desenvolverase durante as xornadas do xoves e o luns pola mañá participando, en total, 213 alumnos de 8 e 9 anos de sete centros de Primaria. Os grupos de escolares repartiranse cos persoal de Xardíns para decorar con plantas ornamentais diferentes zonas como a zona peonil na contorna do río do Con (García de Caamaño e Rodrigo de Mendoza(), a rúa Alcalde Rey Daviña. O Parque Miguel Hernández ou o Parque de Dona Concha en Vilaxoán.
Os colexios participantes son A Escardia, Educación especial, Vilaxoán, A Lomba, Anexo A Lomba, Sagrada Familia e San Francisco.