VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
Os servizos de Medio Ambiente e sinalización viaria complementan os seus medios con novos vehículos
O Concello de Vilagarcía fixo este ano un especial esforzo en renovar o parque móbil e a maquinaria de diversos servizos municipais. Neste marco, a última adquisición da administración local foi a de tres vehículos destinados a facilitar as labores dos departamentos de Medio Ambiente e de Sinalización Viaria nas que se investiron un total de 45.088 euros. O Concello dispuxo de diferentes subvencións para financiar as compras.

29.11.2017.- O vehículo máis custoso foi a furgoneta de nove prazas destinada a actuacións de protección do medio ambiente e de espazos naturais que leva a cabo a Concellería de Medio Ambiente que dirixe Lino Mouriño. O subministro adxudicouse á empresa Santiago Iglesias por importe de 24.700 euros que se financiaron cunha subvención do Fondo de Compensación Ambiental.

Os outros dous vehículos pasan a mellorar o parque de maquinaria do servizo de Sinalización Viaria. Son unha máquina de sinalización vial e unha cisterna de rego de emulsión asfáltica que foron adxudicadas á firma Baygar S.L. por de 8.772 e 11.616 euros respectivamente. Os dous vehículos financiáronse con subvencións do Plan de Obras e Servizos 2017 da Deputación Provincial de Pontevedra.

A adquisición dos novos vehículos e maquinaria incidirá de forma positiva na prestación das labores que realizan os diferentes servizos municipais, permitindo realizar mellor e máis rápido as tarefas, e tamén nas condicións de traballo dos propios operarios. Nesta mesma liña camiñan outras adquisicións, como un elevador de féretros para o Cemiterio Municipal, tamén subvencionado polo organismo provincial.

< volver

+ titulares