VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
As rúas Rey Daviña, Romero Ortiz e Méndez Núñez estrearán bancos por Nadal
Os traballos contratados polo Concello para arranxar os deteriorados bancos das rúas Rey Daviña, Romero Ortíz e Méndez Núñez comezaron onte polo que estas zonas peonís disporán dos novos elementos durante as festas de Nadal. A empresa adxudicataria da obra xa empezou a desmontar algúns dos asentos para proceder ao acondicionamento dos pés e estruturas de aceiro e á substitución das pezas de madeira. A actuación ten un orzamento que ronda os 15.000 euros que se financian con fondos propios do Concello a través da partida de mobiliario urbano.

15.12.2017.- A intervención era moi necesaria debido ao deterioro no que se atopan os elementos de madeira dos bancos instalados hai 8 anos, cando se levaron a cabo as peatonalizacións e humanización das devanditas rúas por parte do goberno presidido por Dolores García. O intensivo uso dos mesmos, unido á humidade propia da climatoloxía á que estiveron sometidos durante estes anos, son á principal causa do deterioro que sofría a madeira, rebrandecida con síntomas de podremia debido á humidade, astelada e, nalgún caso, coa rotura de pezas como consecuencia de actos vandálicos.

A actuación que acaba de comezar consistirá na substitución integral dos elementos de madeira que forman os asentos e os respaldos dos 11 bancos (3 lineais e 8 con forma de “L”). As estruturas de aceiro cortén mantéñense e a reparación farase in situ para non afectar ao pavimento ao no ter que levantar e volver a colocar os soportes e ancoraxes. Para elo, as pezas de madeira xa se están e cortando en taller segundo as medidas de cada banco.

Utilizarse madeira de Iroko por tratarse dun material de contrastado comportamento e durabilidade en ambientes exteriores e en climas como o galego. Ademais, a madeira tratarase con aceites impermeabilizantes.

< volver

+ titulares