MULLER
O programa Clara chega ao seu fin con vocación de continuidade na inserción laboral das mulleres O programa Clara, promovido polo Instituto da Muller con fondos europeos e a colaboración de varios concellos de España, entre eles Vilagarcía, chegou ao seu fin despois de case dez meses que serviron por formar e promover a inserción laboral de 25 mullleres desempregadas e en situación de vulnerabilidade.
25.01.2017. A concelleira de Igualdade, Tania García, e unha representante do Instituto, María Ángeles Larrañaga, foron as encargadas de pechar a actividade entregando os correspondentes diplomas. Deuse a circunstancia que varias das participantes non puideron asistir porque están traballando despois de que foran contratadas tralo período de prácticas que incluía o programa Clara.
Esta é a mellor demostración –coincidiron García e Larrañaga- de que programas de estas características non son só necesarios, senón útiles para conseguir o “empoderamento” das mulleres, mellorando a súa autoestima e logrando que poidan participar do mercado laboral. Tanto as representantes políticas como a responsable técnica do proxecto, Rosa Villaronga, avogaron pola continuidade das políticas que, como o programa Clara, inciden na formación e o asesoramento ao colectivo feminino en especial risco de vulnerabilidade.
Neste sentido, García, Larrañaga e Villaronga agradeceron publicamente a colaboración de distintas empresas da comarca para facilitar as prácticas, algunhas das cales acabaron, ademais, en contratos de traballo.