CONCELLO
Persoas Maiores organiza unha viaxe a Lugo e León, visitando A Mariña, Pedrafita, As Médulas e Astorga A Concellería de Persoas Maiores, que dirixe Tania García, vén de organizar unha viaxe de cinco días (catro noites de hotel) a Lugo e León que inclúe visitas guiadas a estas dúas capitais, ademais da praia das Catedrais, na mariña lucense, Pedrafita, As Médulas e Astorga. O prezo, con viaxe, seguro e pensión completa, ten un custe de 245,91 euros en habitación dobre e de 303,91 en aloxamento individual. As prazas dispoñibles son 55, que serán cubertas por rigorosa orde de inscrición. O prazo para apuntarse comeza o vindeiro martes, día 5, e conclúe o 23.
03.02.2018. A viaxe inclúe dúas noites no hotel Cidade de Lugo e outras dúas no hotel Bedunia de La Bañeza, ademais de dúas comidas nun restaurante de Viveiro e outro de As Médulas, e o resto de almorzos, comidas e ceas nos respectivos hoteis, e as entradas e visitas guiadas a monumentos e cidades.