O Conservatorio Profesional de Música de Vilagarcía de Arousa é un centro público e oficial no que se imparten as ensinanzas de réxime especial de música reguladas pola Lei Orgánica de Educación – LOE - e por conseguinte, conducentes a titulación oficial.

Creado polo Decreto 222/2000, do 13 de setembro, da Consellería de Educación e Ordenación Universitaria, comezou a súa actividade no curso 2004-2005.

Os estudos de música nos Conservatorios de Música desenvólvense en tres graos: elemental, profesional e superior. Os dous primeiros pódense cursar no Conservatorio Profesional de Música de Vilagarcía, mentres que o grao superior unicamente pode cursarse en centros creados específicamente para o mesmo. No caso de Galicia estes últimos ubicados en Vigo e A Coruña.

As especialidades instrumentais que se imparten no centro son: canto, clarinete, frauta traveseira, gaita, guitarra, percusión, piano, saxofón, trompeta, trombón, trompa, tuba, violín e violonchelo.

O Conservatorio Profesional de Música está ubicado nas instalacións do Auditorio Municipal. As oficinas atópanse no primeiro andar do edificio, e ao longo do curso escolar funcionan en horario de mañá - de 10:00 a 13:00 h - e tarde - de 16:00 a 20:00 h.

Para máis información, poden dirixirse a:

Conservatorio Profesional de Música
Auditorio Municipal
Avda. da Mariña nº 27
36600 Vilagarcía de Arousa

Tel. 986 500 916
Fax: 986 504226
E-mail: conservatorio@vilagarcia.es