Dada a especial importancia destes temas, a Concellería de Xuventude puxo en marcha a partires de febreiro de 2003 unha serie de obradoiros de educación afectivo-sexual nos centros educativos de Vilagarcía , destinados a alumnos de 1º de ESO.

Comprobada a existencia dun profundo descoñecemento por parte dos adolescentes de conceptos fundamentais en relación á sexualidade, e así mesmo, unha gran cantidade de crenzas erróneas en torno a este tema, esta serie de obradoiros establece como obxectivo xeral a de divulgar a necesidade de fomentar unha sexualidade responsable dende a adolescencia, destacando o interese por corrixir certos déficits de información que distorsionan os coñecementos sobre a sexualidade do adolescente.

Entre os obxectivos específicos, resaltamos catro áreas de actuación diferenciadas:

• A importancia do desenvolvemento e os cambios corporais na adolescencia: cambios físicos e psíquicos
• Explica-la existencia dunha enorme cantidade de estereotipos e mitos sexuais: sexo e xénero
• desenvolvemento dun novo concepto do mozo/a adolescente: A autoestima.
• A SIDA e as Enfermidades de Transmisión Sexual (ETS): Métodos de prevención.