VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

TURISMO
O acondicionamento do acceso ao miradoiro da cruz de Xiabre comezará tan pronto mellore o tempo
A mellora da accesibilidade ao miradoiro da cruz de Xiabre iniciarase tan pronto como as condicións meteorolóxicas o permitan. Os traballos foron adxudicados á empresa Ecoplanin Xestión e Información Ambiental por importe de 41.128 euros e financiaranse con fondos europeos do plan Next Generation e unha achega municipal. A obra consiste na creación dun sendeiro de pasos nos últimos 320 metros que conducen ata o miradoiro, un terreo que se atopa en moi mal estado debido á forte pendente que presenta e á erosión xerada polas escorrentas de auga, situación que dificultaba en exceso o tránsito das persoas.

30.10.2023.- Os traballos promovidos pola Concellería de Turismo comezarán tan pronto como deixe de chover e o terreo se atope un pouco máis seco e estable. Será entón cando se poida comezar a habilitar un camiño de xabre compactado de 125 centímetros de ancho e que se sustentará con bordos de madeira tratada. Nos puntos de maior pendente a actuación prevé a instalación de escalas de pasos largos, feitos integramente en madeira. Na mellora utilizaranse materiais naturais e técnicas construtivas respectuosas co medio no que se desenvolve, axustándose ao estipulado no manual para camiños naturais editado polo Ministerio de Agricultura, Pesca y Alimentación.

Con esta actuación facilitarase a accesibilidade ao miradoiro creado hai un ano e que se ten convertido nun enclave moi concorrido debido ás excelentes panorámicas que se poden admirar dende a plataforma con vistas á desembocadura do Ulla, á illa de Cortegada, á ría de Arousa e aos vales do Salnés e de Caldas. Incluído nas medidas de posta en valor dos recursos naturais e do litoral local como atractivos turísticos, a accesibilidade á cruz de Xiabre complétase cun plan de sinalización viaria para indicar dende o centro urbano o camiño cara este privilexiado miradoiro situado a 400 metros de altitude.

< volver

+ titulares