VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CULTURA
Varela e Avendaño comparten impresións sobre Vilagarcía e abren una liña de colaboración para xerar contidos culturais
O alcalde de Vilagarcía, Alberto Varela, recibiu esta mañá no Concello a Alberto Avendaño en recoñecemento a súa recente inclusión como membro da Academia Norteamericana de la Lengua Española. Durante o cordial e distendido encontro, o rexedor e o xornalista compartiron impresións sobre Vilagarcía, cidade na que o escritor reside dende hai uns anos, e comprometéronse a colaborar mutuamente para xerar e atraer actividade cultural ao municipio.

10.11.2023.- Varela Paz xa tivo a oportunidade de felicitar a Avendaño o mércores, tras coñecer o seu nomeamento como académico numerario da ANLE, pero quixo facelo tamén persoalmente convidándoo a visitar o Concello, cita á que o vigués acudiu acompañado da súa muller.

No encontro desta mañá, o que foi director da edición en español de The Washington Post explicou que as razóns polas que elixiu Vilagarcía para establecer a súa residencia despois de anos vivindo en Estados Unidos foron a situación estratéxica da cidade, o seu atractivo e dinamismo e a cantidade de servizos dos que dispón. Valorou especialmente a comodidade para desprazarse a pé a calquera punto, dispor de estación de ferrocarril e situarse a carón do mar.
O alcalde interesouse por coñecer os proxectos nos que traballa actualmente Avendaño, tanto no eido periodístico como literario e cultural, ofrecéndolle a colaboración do Concello para desenvolver iniciativas en Vilagarcía, proposta acollida con agrado polo académico.

Entre os xestos de cortesía amosados por ámbalas dúas partes, Varela e Avendaño intercambiáronse agasallos. O alcalde entregou ao xornalista o libro "A Farsa de Carril: Unha Danza de Espadas histórica", obra de Carlos Rey e Cristian Silva editada polo Concello e, en correspondencia, recibiu un exemplar de “Bueno carallo bueno”, con poemas do propio Avendaño e ilustrado coas pinturas de José Freixanes.

< volver

+ titulares