VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CULTURA
Vilagarcía prepárase para volver escoitar a gaita na romaxe urbana do Folk no Alobre
Tras ter que aprazalo pola ameaza de choiva o pasado día 1, o festival do Folk no Alobre quenta motores para despedir a temporada de verán o próximo domingo, 29 de setembro, facendo soar a gaita durante todo o día no Parque Enrique Valdés Bermejo. A romaxe urbana regresa co obxectivo de poñer en valor a paisaxe e o patrimonio histórico e natural de Vilagarcía, nun formato no que o folclore e a música tradicional galega son os protagonistas absolutos. Roteiro guiado, rito das penas, obradoiros de baile e concertos (cuxo inicio se adianta ás cinco da tarde) compoñen os ingredientes desta divertida celebración popular.

21.09.2024.- O Folk no Alobre é unha actividade organizada polo Concello de Vilagarcía en colaboración co colectivo Pés de Barro. Trátase dunha festa para vivir en familia e ao aire libre, ao modo das tradicionais romarías, e na que todas as actividades son de balde. Para maior comodidade dos asistentes á hora do xantar, o Concello disporá mesas e cadeiras para que a xente poida almorzar comodamente no parque. As persoas que non leven a comida da casa poderán adquirir algunhas viandas nos postos habilitados pola organización.

Como nas edicións anteriores, o popular músico Xurxo Souto participará na ruta histórica co que se inicia o programa pola mañá a modo de pasarrúas animado polo grupo Os Demos da Petaca. A actividade parte as 11 da mañá do Parque de Ravella, a onde deben dirixirse as persoas que desexen participar. Xa pola tarde actuarán Nós de Sobradelo, Bailai Malditos, Os D’Abaixo e outro grupo aínda por confirmar que substituirá a Os Caruncho, que debido ao cambio de data e por causa maior, non poderán participar na romaría.

< volver

+ titulares