 Observaciones |
|
|
A Concellería de Cultura vén de convocar unha nova edición da Festa dos Maios, un certame que, como é tradición, se celebrará o día 1 de maio e que, como novidade, estea no desenvolverase na explanada do Auditorio. Como nas últimas edicións, a festa non terá carácter competitivo, polo que todos os participantes que cumpran as bases recibirán como agasallo unha achega económica e unha rosca. A festa desenvólvese en dúas partes: a exposicio´n dos maios e a interpretacións das cantigas.
Deste xeito a Concellería de Cultura pretende favorecer a participación e a recuperación desta antiga tradición popular dos maios, relacionada coas celebracións da chegada da primavera e os prego se agradecementos polas boas colleitas. Seguindo tamén a tradición, as modalidades de maios a expoñer van dende os maios cónicos e artísticos, ata as cruces de maio, caixas e barcos.
A Festa dos Maios consistirán na exposición dos traballos e na interpretación das coplas que presenten os grupos, que terán que estar compostos por un mínimo de 4, 8 ou 25 persoas, dependendo da categoría na que se inscriban. As achegas económicas oscilarán entre os 40 e os 300 euros, tamén dependendo do número de integrantes, a categoría e si de participan con ou sen canción.
A Festa celebrarase entre as once da mañá e as dúas da tarde, como xa se dixo, na explanada do Auditorio, un lugar aberto e luminoso no que a celebración pode adquirir máis vistosidade. En caso de que o tempo non acompañe, a Festa trasladarase á Praza da Peixería.
|
