|
O Concello de Vilagarcía pon a disposición da Comisión Interuniversitaria de Galicia (CIUG) as instalacións de Fexdega para a celebración das probas de ABAU deste ano. A medida, que se enmarca na reestruturación das sedes para a realización dos exames de acceso universitario en toda Galicia como consecuencia da crise do COVID, pretende dividir as probas en grupos de menor número de alumnos e, no caso de Vilagarcía, evitar que os estudantes do municipio teñan que trasladarse fóra as tres xornadas que dura a ABAU. Tras unha primeira conversa, os termos definitivos nos que se desenvolverían as probas, así como a colaboración do Concello nas tarefas loxísticas aínda están pendentes de pecharse, para o cal a CIUG deberá presentar formalmente a proposta no Concello. |
.gif)
