 Observaciones |
|
|
Integrado por un grupo de músicos formados nos máis prestixiosos conservatorios de Europa, despois do éxito acadado na primeira edición do festival "Un Mundo de Músicas", Odaiko repite no escenario da Alameda, pero fano co seu novo espectáculo, “Galician on board”.
A idea de Galician on Board, segundo eles mesmos explican, é a de “facer unha viaxe no tempo trasladándonos ao século XIX e representar o profundo cambio que se produciu en Galicia ata os nosos días”.
Conceptos como labrego, folclore, emigración, industrialización, etc., están presentes ao longo do show nunha viaxe músico-percusiva tratada dun xeito vangardista.
Para elo Odaiko deixa de lado a multimedia que utilizaba no seu anterior espectáculo, “Okho”, e recorre a unha voz en off, a e Guadi Gallego, que nos axudará a seguir dunha maneira moi descritiva o concerto.
Odaiko ofrécenos un crisol de ideas musicais onde os ritmos de culturas alleas como o latino, o flamenco, o brasileiro ou o africano se mesturan coas innovacións técnicas percusivas e o folclore galego para representar un pasado que dá resposta ao noso presente.
Odaiko Percussion Group está formado por Ton Risco, Juan Collazo, Roberto Oliveira, Antonio Ocampo, Paulo Silva e Lester Rodríguez.
|
