 Observaciones |
|
|
El sombrero del abuelo é unha das bandas punteiras na actual escena mestiza de Madrid. Son recoñecidos como unha das formacións portadoras do son “made in Lavapiés” pero cuns aires frescos e renovados, dando vida e actualizando o triturado selo da mestizaxe.
Rumba’n’Bass de cantautor, bulerías tácitas de verbo pelexón, electrónicas free-jazzeras, bohemia caribeña, tecnocopleo e flamenco inesperado son algunhas das etiquetas que farían falta para definir o son deste grupo.
Pero a súa gran baza son os directos, nos que se achegan ata a fronteira do dance ou da música negra, con máis de 15 instrumentos sobre o escenario.
Unha auténtica orquestra moderna que nos trae un son de reciclaxe e innovación, de secuencias, de cancións de cantautor, de temas skatalíticos e hipnóticos, de frautas de pan e charangos, de frautas de trobadores e “des-fasadores”.
|
