 Observaciones |
|
|
A Asociación Coros e Danzas Duos Pontes (Pontevedra), a agrupación folclórica Cantigas e Agarimos (Santiago), e a propia Asociación Cultural Malveiras conforman o cartel do espectáculo que se ofrecerá o sábado 8, ás 20,30 horas, no escenario da Alameda, o mesmo que se serviu de marco para o festival de blues e de músicas do mundo.
O espectáculo terá unha duración aproximada de dúas horas dividido en dúas partes, en cada unha das cales actuarán as tres agrupacións. Deste xeito se dará tempo a que cada grupo mude de vestiario, aportando por tanto máis colorido e vistosidade á interpretación de muiñeiras, xotas, regueifas e outras pezas do folclore galego. Os asistentes tamén poderán adquirir as camisetas que, ao prezo de 5 euros, porá á venda Malveiras co fin de recadar fondos que lle permitan continuar coa súa laboura de pescuda e protección do patrimonio cultural galego.
|
